"cogitandum et agendum"

Мэш-клуб. Эксперыментуй!

Даўно марылі разбірацца ў пабудове вайфай сетак? Хочаш падзяліцца ведамі аб прашыўцы роўтэра? Вывучаеш адкрытыя і свабодныя праграмы? А магчыма, вы проста жадаеце зрабіць вайфай сетку для сваіх суседзяў і сябраў…

Мэш-клуб – гэта эксперыментальны праект Фаланстэра па вывучэнню і развіццю вайфай і мэш сетак у нашым грамадстве.

З аднаго боку клуб можа быць цікавы тым, хто хоча развіваць свае тэхнічныя веды, пакамунікаваць з адзінадумцамі і зрабіць карысныя для грамадства праекты.

З іншага боку, зацікаўленымі могуць быць грамадзянскія ініцыятывы, супольнасці, актывісты, якія хочуць наладзіць інфармацыйны абмен па сваіх мерапрыемствах (фэстах, турнірах, летніках, злётах) ці ў штодзённым побыце.

Задачы, якія будуць вырашаць удзельнікі клуба:

  1. Зносіны з супольнасцямі па вывучэнню іх сеткавых патрэб.
  2. Прашыўка роўтэраў
  3. Канфігураванне linux-сэрвера.
  4. Усталёўка праграм для работы з мэш-сеткамі (шмат сэрвераў, шмат танэляў)
  5. Усталёўка розных сэрвісаў (воблачныя сховішчы, чаты, лакальная вікіпедыя, etherpad і іншыя)
  6. Стварэнне вэб-платформы сацыяльнай вайфай карты Мінска.
  7. Наладка VPN каналаў для сеткі і іншыя.

Падчас дзейнасці клуба мы таксама актыўна выкарыстоўваем айці-намёт, з дапамогай якога шукаем адзінадумцаў і прасоўваем веды аб мэш-тэхналогіях у грамадстве.

Чаго мы хочам зрабіць з дапамогай клуба? Зацікавіць супольнасці ў плюсах, якія даюць мэш сеткі, а таксама адкрыць неабходныя веды для развіцця лакальных бяздротавых сетак для патрэб грамадзян.

У выніку сустрэч клуба мы:

  1. Створым матэрыял з гісторыямі поспеха нашых эксперыментаў і даследванняў.
  2. Разгарнем вайфай карту сетак Мінска.
  3. Пратэсціруем працу мэш сетак у рэальных умовах.

Чаму мы пачалі клуб? Мы лічым, што грамадзяне толькі самі могуць забяспечыць сваю інфармацыйную бяспеку і права на атрыманне і абмен інфармацыяй. Для гэтага патрэбна ведаць, як будуваць сеткі.

Як доўга ўсё будзе працягвацца? Сустрэчы клуба адбываюцца неклькі разоў на месяц з лютага па кастрычнік 2015. За гэты час мы збіраемся практычна даследваць мэш тэхналогіі і прымяніць ў тых месцах, дзе яны найбольш неабходны.

Як удзельнічаць?

  1. Жадаеш далучыцца да клуба? Запоўні анкету
  2. Падпісацца на рассылку (з адзнакай MESH), дзе мы будзем інфармаваць аб значных падзеях падчас працы клуба і штомесячны агляд зробленага.
  3. Падключыцца да мэйл ліста. Тут мы абмяркоўваем усе штодзенныя пытанні жыцця клуба.


Эксперыментуй! Будзь мэш!

Даведка:

  • Мэш сеткі - гэта бяздротавыя сеткі, пабудаваныя на дынамічнай архітэктуры, дзе кожны вузел (удзельнік) сеткі можа мець розныя ролі: быць выхадам у Інтэрнэт, сэрверам для якога-небудзь сервіса, кліентам або проста перадаюшчай прыладай.
  • Пясочніца клуба знаходзіцца у вікі Фаланстэра.

 

Малюнкі ўзяты з commotionwireless.net і mesh.opengarden.com

Беларуская
You are reporting a typo in the following text:
Simply click the "Send typo report" button to complete the report. You can also include a comment.