"amicus Plato"

Фаланстэр падтрымлівае конкурс ВікіВясна 2016

пан, 03/21/2016 - 23:00

З 21 сакавіка да 25 траўня 2016 года ў Вікіпедыі ладзіцца конкурс артыкулаў пра краіны Цэнтральнай і Усходняй Еўропы “ВікіВясна”.

Ідэя конкурсу – пашырыць інфармацыю пра краіны рэгіёну, прыцягнуць увагу да асаблівасцяў гэтых краін, узмацніць супрацоўніцтва паміж рознымі моўнымі раздзеламі “свабоднай энцыклапедыі”.

Сутнасць ініцыятвы заключаецца ў тым, што на працягу трох месяцаў удзельнікі з розных краін Цэнтральнай і Усходняй Еўропы ствараюць артыкулы пра сваіх суседзяў.

Найбольш актыўным удзельнікам конкурсу мы падрыхтавалі прызы. Ахвотныя прыняць удзел могуць звяртацца па дапамогу да валанцёраў “Фаланстэра”, якія гатовы садзейнічаць па пытаннях працы з Вікіпедыяй і вікі-разметкай.

Правілы ўдзелу ў конкурсе “ВікіВясна-2016”:
•    Афіцыйныя даты правядзення конкурсу: 21 сакавіка – 31 траўня 2016 года;
•    Для ўдзелу трэба дадаць сябе ў табліцу ўдзельнікаў конкурсу;
•    Тэмы артыкулаў можна абіраць любыя, датычна той ці іншай краіны, але кожны моўны раздзел прапаноўвае самыя актуальныя пра сваю краіну;
•    На працягу чэрвеня будуць падводзіцца вынікі, вызначацца пераможцы – адмыслова ў кожным моўным раздзеле;
•    Міжнародныя каардынатары конкурсу вырашаюць даты і месца правядзення ВікіЛетніка для самых актыўных удзельнікаў у канцы ліпеня.
Калі вы яшчэ сумняваецеся ў сваіх сілах – смела звяртайцеся па дапамогу да вікіпедыстаў і чытайце парады для пачаткоўцаў!
Афіцыйная міжнародная старонка конкурсу “ВікіВясна” – Wikimedia CEE Spring 2016.

You are reporting a typo in the following text:
Simply click the "Send typo report" button to complete the report. You can also include a comment.