"docendo discimus"

Ars nova. Лічбавае мастацтва

“Тэорыя і практыка часам сутыкаюцца. Калі гэта здараецца, тэорыя праігрывае. Заўсёды” Лінус Торвальдз

Новае мастацтва. Клуб вывучэння open source графічных праграм.

Мэта клуба: засвоіць працу з адкрытымі графічнымі прыладамі і зрабіць мануалкі для самастойнага засваення тэмаў на беларускай мове.
Сёння, калі спытаць дызайнера, фатографа ці мастака, якімі прыладамі яны карыстаюцца для апрацоўкі фота, малюнкаў, працы з вектарнай графікай ды малявання, шмат людзей адкажуць - Photoshop, Illustrator, CorelDraw
Гэтыя праграммы знаходзяцца ў прыватнай уласнасці, яны даволі добрыя, але, па-першае, яны манапалізіравалі рынак, што не пакідае выбару карыстальніку, па-другое, не кожны можа купіць ліцэнзаваную версію. 
Не шмат хто ведае, што існуюць аналагі гэтых прыладаў з адкрытым кодам, напрыклад, Gimp* ці InkScape**.

Мэтавая аўдыторыя клуба: людзі (мастакі, фатографы, дызайнеры і г.д.), якія цікавяцца новымі тэхналогіямі і любяць эксперыментаваць. 

Што будзе?
У першым сезоне - адбудзецца 12 сустрэч клуба: 6 - па вывучэнню Gimp, 5 - па InkScape, 1 - агульная.
Сустрэчы будуць праходзіць штосераду, пачынаючы з 18 лютага, а 19.00, на базе Фаланстэра.
Навучанне пабудавана па свабоднаму прынцыпу - дзелімся ведамі: кожны, хто жадае, рыхтуе пытанні да тэмы. Але, па змоўчанні, мы пакрыем базавыя навыкі валодання Gimp і InkScape.

Навучымся базавым навыкам працы:

  • з формамі, фільтрамі, слаямі, анімацыяй - у Gimp,
  • з вектарамі, формамі ды іх магчымасцямі, трасіроўкай, шрыфтамі - у InkScape.

Глядзець падрабязную праграмму сустрэч.

Тэма першага сезона: дапамагчы праекту Вікіфікацыя зрабіць дапаможнікі па рэдагаванню Вікіпедыі, звярстаць макеты брашуры і намаляваць вокладку.

Вынікі і змены
На некалькіх сустрэчах пасля клуба запланавана падвесці вынікі працы і зрабіць мануалы па ўроку кожнай сустрэчы, выкласці гэтыя урокі ў свабодны дасяг. Кожны карыстальнік зможа самастойна дома засвоіць дадзеныя адкрытыя праграмы.

Мастакі, фатографы, дызайнеры, якія пройдуць курс 

  • засвояць тэхналогіі працы з новымі графічнымі прыладамі
  • будуць больш свабодна сабе адчуваць пры вывучэнні іншых прылад
  • азнаёмяцца з open source ідэямі
  • будуць мець магчымасць візуалізаваць ідэі Фаланстэра і працаваць з малюнкамі агранізацыі у далейшым.

Як далучыцца да клуба?

Gimp* - праграма для працы пераважна з растравай графікай (аналаг Photoshop). (З Вікіпедыі)
InkScape** - праграма для працы з вектарнай графікай (аналаг CorelDraw) (З Вікіпедыі).

You are reporting a typo in the following text:
Simply click the "Send typo report" button to complete the report. You can also include a comment.