"ultima ratio"

Як мы арганізоўвалі Вікі-летнік 2017. У пошуках калектыўнага. Частка 1

чцв, 09/07/2017 - 10:30

У гэтым пасце я прааналізую, як быў арганізаваны першы летнік вікі-супольнасці летам 2017 года. Прама кажучы, гэта першае мерапрыемства, якое сабрала каля 20 вікі ўдзельнікаў. У тым ліку гасцей з Украіны, Польшы і Германіі.

Прадметам разгляду з’яўляюцца паводзіны супольнасці, уключаючы і каманду арганізатараў і супольнасць, якая як ўдзельнічала так і не ўдзельнічала ў мерапрыемстве. Робячы акцэнт на тыя патрэбы і складанасці, якія узнікалі на кожным з трох этапаў: падтрыхтоўцы, правядзенні і пасля летніка.

Навошта гэта патрэбна?

Вынікі аналіза можна выкарыстоўваць: 

  1. пры планаванні наступных крокаў у развіцці супольнасці, 
  2. а таксама наступнымі пакаленнямі арганізатараў падобных мерапрыемстваў.
Банер Юзэр Групы. Аўтар фота: Раман Патапчук 

Падрыхтоўка летніка

Варта падкрэсліць, што праца па прыцягненню ўвагі супольнасці да агульнага мерапрыемства была даволі працяглай (каля 1,5 года), як ў дачыненні да вікіпедыстаў адмыслоўцаў, так і для пачынаючых. Для першых праводзіліся размовы на рэалках і анлайн пляцоўках. Для другіх майстаркласы, вікіэкспедыцыі, трэнінга на некалькі дзён, лекцыі.

Таксама даволі доўгі час раскачвалася сама каманда. Удзельнікі павольна бралі на сябе абавязкі. Магу патлумачыць гэта, адсутнасцю вопыта ў падобных справах, або адсутнасць веры, што такое магло адбыцца наогул. 

Хаця ў распрацоўцы канцэпцыі летніка ўдзельнічала 3-4 чалавекі, сама вікісупольнасць падпісалася за Вікі-летнік каля 20 галасамі ў падтрымку. Гэткія паводзіны можна разглядаць як лаяльнасць супольнасці да падобных  мерапрымстваў, але як негатоўнасць рыхтаваць канцэпцыю, праграму і лагістыку - арганізоўваць.

Найбольш складана было выходзіць на кантакт з удзельнікамі супольнасці. Прычым складана ідзе кантакт праз любыя медыюмы: і мэсэнджэр у вікі, і сацыяльныя сеткі, або прамы паведамленні на пошту. 

Цікава адзначыць вялікі інтарэс міжнароднай супольнасці да Вікі-летніка. Хаця мы не планавалі прыцягнуць шмат замежнікаў, але атрымалася 6 гасцей. Што склала адну траціну ўсіх удзельнікаў. Варта падкрэсліць, што энтузіазм і “баявы дух” гасцей быў нашмат большы.

Найбольш прадуктыўныя час, калі удзельнікі пачалі сустрэкацца ў рэале. Сама падрыхтоўка пайшла хутчэй і павялічылася магчымасць вырашаць складаныя сітуацыі прадуктыўней. 

Фота Ігара Дароніна
Фота каманды арганізатараў. Аўтар фота: Ігар Даронін

Правядзенне летніка

Удзельнікам на пачатку кожнага дня была прапанавана магчымасць намаляваць нешта на агульным аркушы паперы. Па выніку атрымалася 5 псіхалагічных партрэтаў калектыва. Першыя дні назіраўся даволі раскіданыя на аркушы малюнкі. На трэці дзень павялічылася інтэграцыя малюнкаў. У апошнія дні звязнасць малюнкаў зменшылася, але прастора больш дадкладна і рацыянальна агранізавалася. Тут варта улічыць, што некаторыя людзі прыязджалі і з’яджалі.

Кожны ўдзельнік знаёміўся з распарадкам, правіламі і мэтамі. Таксама мэты летніка і прагаворваліся кожны дзень новым удзельнікам і такім чынам кожны, хто іх прагаворваў мог зрабіць сваю інтэрпрэтацыю. Што і адбывалася. Пералічым гэтыя мэты: (1) пазнаёміцца ў рэале навічкам і адмыслоўцам у вікі-супольнасці, (2) вызначыць, як развіваць супольнасць анлайн і афлайн; (3) перадаць тэхнічныя і гуманітарныя веды ў вікі руху.

Падчас летніка ўдзельнікі вызначылі набор правілаў. Сярод іх “прыходзім за 5 хвілін да пачатку”, “не пірабіваць выступоўцу”, “кожны мые посуд пасля сябе”, “не адцягваць увагу падчас занятку”. Хаця гэтыя правілы былі прыняты адзінагалосна, але яны парушаліся некаторымі. Трэцяе і чацвёртае правілы былі даданы ўжо падчас мерапрыемства, як рэакцыя на крызісныя сітуацыі. Сітуацыя палепшылася.

Правілы Векілетніка. Аўтар фота: Міхаіл Волчак

Лес мэтаў

Але перад самым пачаткам кожны мог задаць персанальныя мэты знаходжання на летніку і ў канцы вызначыць: на колькі ўдалося дасягнуць сваіх задум. 

Пералічым некалькі пунктаў таго, што людзі ставілі як мэты, які былі найбольш для мяне цікавымі: “навучыцца арганізоўваць мерапрыемствы”, “заканнэкціца з удзельнікамі супольнасці”, “зазірнуць ва ўнутраную кухню Вікіпедыі”, “наладзіць больш плённу супрацы з Беларусамі”, “зацікавіць удзельнікаў Вікіслоўнікам”, “даведацца, чым жыве беларуская супольнасць”, “навучыцца пісаць ботаў”, “натхніцца камунікацыяй і натхніць іншых”, “перадаць навічкам свае веды і навыкі”, “пачаць актыўна выкарыстоўваць розныя вікіпаекты”, “павялічыць колькасць і якасць артыкулаў пра Капыль”, “навучыцца нечаму новаму”, “харашо пакамунікаваць і пазітыўна правесці час”, “навучыцца тлумачыць, складаныя тэмы простымі словамі” і іншыя.

Персанальныя мэты ўдзельнікаў Вікі-летніка. Аўтар фота: Міхаіл Волчак

Як бачым, мэты раскіданы, але з большага ўдзельнікі былі настроеныя на рэалізацыю першай і трэцяй мэты летніка. Гэтыя 1 і 3 мэты маюць або больш індывідуалістычны характар (уласная пракачка), або жаданне дзяліцца (шарыць), якое, варта адзначыць, можа не ўтрымліваць устойлівасці (распавесці, паказаць).

Другая мэта выразілася амаль у адзінокім выразе: “Навучыцца арганізоўваць мерапрыемствы”, а таксама жаданне кааперацыі. 

Атрымліваецца, што на сёння з большага супольнасць выкарыстоўвае мерапрыемства:

  • ні для сумеснага прыняцця рашэнняў, 
  • ні для праектавання будучага сумеснага развіцця.

У наступнай часцы я працягну разгляд таго, што адбывалася падчас Вікі-летніка, а таксама зраблю высновы і далучу свае рэкамендацыі па магчымаму далейшаму развіццю вікі-супольнасці. 

Працяг будзе...

You are reporting a typo in the following text:
Simply click the "Send typo report" button to complete the report. You can also include a comment.