"magnum opus"

Пра нас

Лічбавыя тэхналогіі - наш ландшаўт.
Інтэрнэт - наша мора.
Супольнасці - наша усё!”
(Не паводле Шарля Фур'е)

Фаланстэр - каманда сацыяльных гікаў, людзей, якія жадаюць змяніць наша грамадства, раскачаць яго. Гэта сацыяльныя наватары і эксперыментатары, якія прасоўваюць новыя формы ўзаемадзеяння ўнутры супольнасцяў, дапамагаюць супольнасцям сфармавацца і ўзмацніцца.

Фаланстэр - гэта надзея на іншае заўтра, больш усвядомленае.

Наша місія і бачанне

З дапамогай адкрытых і свабодных лічбавых і гуманітарных тэхналогій мы імкнемся дасягнуць больш аўтаномнага і дынамічнага беларускага грамадства, актыўна ўключанага ў стварэнне законаў, у развіццё і прыняццё рашэнняў.

Вынікам нашай дзейнасці становіцца шырокае выкарыстанне адкрытага свабоднага кода, жалеза, кантэнта, празрыстых падыходаў кіравання і прыняцця рашэнняў, а таксама прынцыпаў адкрытай культуры ў жыцці грамадства.

Нашы каштоўнасці:

Фаланстэр афіцыйна зарэгістраваны 23 снежня 2010 года, але яго гісторыя пачалася яшчэ раней і працягваецца па сенняшні дзень.

Над чым мы працуем сёння?

  1. Спрыяем развіццю грамадскіх супольнасцяў (Дойка, Лічбавая майстэрня, Улазіны 2.0).
  2. Займаемся асветніцкай дзейнасцю (майстэр-классы і мітапы для некамерцыйных ініцыятыў і айціваланцераў).
  3. Ствараем дызайн на гікаўскую тэматыку на адзенні, налепаках і значках, навучаем гэтаму іншых (гік-лаўка). 

Як мы працуем?

Мы ствараем супольнасць сацыяльных гікаў - людзей неабыякавых да наваколля, гатовых экспераментаваць, вучыцца і дзейнічаць. Тых, хто апантаны сваей дзейнасцю і жадае праз яе ўсплываць на свет вакол сабе.

Мы верым, што тэхналогіі даюць магчымасці змяніць свет. Мы выкарыстоўваем шматлікія метады, але сёння - факусуемся на лічбавых тэхналогіях. У цэнтры нашай дзейнайсці - супольнасці. Ты можаш далучыцца да аднаго з нашых праектаў ці клубаў альбо прапанаваць партнёрства.

Каго мы шукаем?

Мы ствараем супольнасць сацыяльных гікаў! Калі ты ...

  • опенсорсчык-адзіночка
  • журналюга-граманацы
  • рэпер білінгвістычны
  • кібердызайнер
  • сісадмін 404
  • вікі задрот і лурка навігатар
  • чэсны юрыст
  • лічбавы заўхоз
  • крыпта-кухар
  • перакладчык-параноік
  • піаршчык-інтраверт
  • мэш-раварыст
  • пірат, сённяшні хадзячы мем і прочая ыліта

значыць ты - сацыяльны гік.

Табе цікава эксперыментаваць разам з намі?

Удзельнічай!!!

Беларуская
You are reporting a typo in the following text:
Simply click the "Send typo report" button to complete the report. You can also include a comment.